27 रागनी याद करै श्री अटल बिहारी नै। मनजीत पहासौरिया
सभी देशवासियों को सच्चे देशभक्त नेता पूर्व प्रधानमंत्री स्व. श्री अटल बिहारी वाजपेई की 94 वीं जयंती की हार्दिक बधाई एवं शुभकामनाएं।
छोटी सी रचना के माध्यम से श्रृद्धांजलि अर्पित की है
हम सारे मिलकै याद करै सै श्री अटल बिहारी नै,
हिन्द की खातिर जीवन ला दिया देश के पुजारी नै..!!टेक!!
25 दिसंबर सन् 1924 मे, ईश्वर नै अवतार धारा,
कृष्णा देवी ने जन्म दिया, राजी था परिवार सारा,
एम०ए, एल०एल०बी०,करके स्वयंसेवक संघ में जा पधारा,
विजय पताका पुस्तक पढकै, ढ़ग होगा था बिल्कुल न्यारा,
बालजति की ले ली पतिज्ञा , उस बाल ब्रह्मचारी नै..!!१!!
राष्ट्र की सेवा खातिर, राजनीति के म्हा आग्या,
काम करे इसे हिंद मे, सबके दिल के उपर छाग्या,
बणा दिया प्रधान मंत्री, सारे देश का राज थाग्या,
परणाणु परिक्षण करके, सारे विश्व ने हिलाग्या,
जनहित के काम करे, वो जाणे था कठनाई सारी नै..!!२!!
कौन भुला सकता है उस, हिन्द की शान नै,
ऐसा नेता पाणा मुश्किल, इब मेरे हिन्दूस्तान नै,
सलाम है म्हारी संस्कृति और म्हारे स्वाभिमान नै,
हटके भेज दियो, फेर न्यू विनती है भगवान नै,
फेर देख लेगा वो, भारत माता की लाचारी नै..!!३!!
मौज थी सारी घर में, पर रहै था सादे बाणे में,
जनता के चावै सै न्यू, लिखदी हमनै गाणे मे,
गुरु कपीन्द से शिक्षा ले कै लागा भजन बनाणे में,
नाम मनजीत गाम पहासौर, झज्जर जिला हरियाणे मे,
कुछ कसर रही तो, माफ कर दियो खता म्हारी नै..!!४!!
रचनाकार:- मनजीत पहासौरिया
फोन नं ०:- 9467354911
