25. रागनी कोशिश मनजीत पहासौरिया
{{{ कोशिश }}}
__________________________
कोशिश करके देख, कोशिश बड़ी बताई,
कोशिश करी जिसने, वे नाम कमागे भाई..!!टेका!!
कोशिश करे तै किसान, अन्न धन के भंडार भरै,
कौशिक करे तै जवान, दुशमन नै मार मरै,
कोशिश करे तै मिस्त्री मजदूर सुंदर भवन तैयार करै,
कोशिश करे तै वैज्ञानिक विज्ञान का आधार धरै,
कोशिश करे तै बणा इंटरनेट, कमाल है वाई फाई..!!१!!
कोशिश करे तै चाल पड़ी, रेल और मोटर लारी,
कोशिश करे उडान भरी, करो जहाज की सवारी,
कोशिश करे तै प्रसारण पै, देखो न्यूज लाईव आरी,
कोशिश करे तै मेल ईमेल, करो बात फोन पै सारी,
कोशिश करे तै विद्वाना नै, ये सारी चीज बनाई..!!२!!
कोशिश करे तै आजादी आई, हिंदूस्तान मै,
कोशिश करे तै पहचान पाली हमने सारे ज्हान मै,
कोशिश करे तै जो मैडल लाये कहता सबको महान मैं,
कोशिश करे तै गुण आ जाते समझदार इन्सान मै,
कोशिश करे तै अंधकार दूर देती रोशनी दिखाई..!!३!!
कोशिश करे तै बाण छूटगी, लोफर ल्फंगे आली,
कोशिश करे तै सच्चे हर में, मनै सुरती लाली
कोशिश करे तै पागी, लख्मीचंद की प्रणाली,
कोशिश करे तै गुरु कपीन्द्र जी पै शिक्षा पाली,
कोशिश करे तै मनजीत आज, लागा करण कविताई..!!४!!
रचनाकार:- मनजीत पहासौरिया
फोन नं०:- 9467354911