9 रागनी किस्सा होली स्पेशल मनजीत पहासौरिया
{{{{{होली स्पेशल}}}}
आजा घर तै बहार, मन्यै रंग लाणा भाभी री,
आया होली का त्योहार किसा सरमाणा भाभी री..!!टेक!!
छोटे देवर का करिये ख्याल, लगवा लिए नै रंग गुलाल,
म्हारी देखैगी सारी गाल, होली सा दिन ना आणा भाभी री..!!१!!
दूंगा ला रंगा की झड़ी, एक बै होले नै खड़ी,
किसनै तेरी या मत हड़ी, खोलकै समझाणा भाभी री..!!२!!
योहे सै एक इसा नाता, जिसमै हंसी मखोल स्ह्या जाता,
त्योहार के यो रोज आता, मत ज्यदा घबराणा भाभी री..!!३!!
रंग उमंग की घटा उठी, मेरी ना सै कोये बात झूठी,
मनजीत पहासौरिया कलम टूटी, बणा इसा गाणा भाभी री..!!४!!
रचनाकार:- पं मनजीत पहासौरिया
फोन नं:- 9467354911
©®
