शहीद वीरनारायण सिंह
शहीद वीरनारायण सिंह
जोहार करव ओ भुइँया ल,
जिहा जनमें वीरनारायण ग।
बन्दव थव मैं ओ मईया ल,
अइसे वीर ल जनमाइस ग।
फिरंगी मन से लड़ीस संगी,
अउ बघवा बन गुर्राईन जी।
सोनाखान के लाल हमर,
देस के मान बचाईन जी।
सोनाखान के माटी पुत्र,
वीरनारायण जेकर नाम हे।
ये माटी बर परान देके,
होगे अमर बलिदान हे।
10 दिसम्बर 1857 म जी,
गाँव गली म मातम छागिस ग।
हमर क्रांतिकारी वीर बेटा ल,
जयस्तंभ चौक म फांसी लगादिस ग।
~~~~~~~~~~~~~~~~
रचनाकार डीजेन्द्र क़ुर्रे “कोहिनूर”
पीपरभवना,बलौदाबाजार(छ.ग.)
मो. 8120587822
