Sahityapedia
Login Create Account
Home
Search
Dashboard
Notifications
Settings
18 Jan 2017 · 3 min read

किस्सा—चंद्रहास अनुक्रम–4

***जय हो श्री कृष्ण भगवान की***
***जय हो श्री नंदलाल जी की***

किस्सा—चंद्रहास

अनुक्रम–4

वार्ता–कुंतलपुर में रहते हुए धाय माता को तीन साल हो जाते हैं।लड़का चंद्रहास भी तीन साल का हो जाता है।एक रोज जब लड़का बाहर से खेल के आता है तो देखता है कि धाय माता बेहोश अवस्था में पड़ी है तो वो अपनी माँ से ना बोलने का कारण पुछता है……

टेक– एक बै बोलिए महतारी,तेरै होगी कोण बीमारी,आज माँ बेटे तैं न्यारी चाली पाट के।

१-पल पल हलचल मुश्किल दिल नै मोटा होया कबाड़ा री,
सोच फिकर सस्पंज रंज दुख मरणा भरणा ध्याड़ा री,
माड़ा भाग मैं लिखाया,माता क्यूँ दुनिया मै जाया,घर मै कैर जा लगाया आम काट के।

२-चंद्रमा सा गहण लग्या सिर चढ़ग्या केतू राहु री,
बणी बणी के सब कोए सिरी बिगड़ी मै कुण साहु री,
चाचा ताऊ नहीं भाई,कोय यारी ना असनाई,माड़ी करम मै लिखाई न्यारी छांट के।

३-माँ होले खड़ी पड़ी धरती मै कुणसी तेरै बीमारी री,
माँ नै बेटा प्यारा हो सै बेटे नै माँ प्यारी री,
म्हारी धीर कुण बंधावै,मेरा हीया भर भर आवै,नैया कंठारै लगावै दिल नै डाँट के।

दौड़–

चंद्रहास होकै उदास ले लंबे साँस रह्या त्रास दिखा,
जब बोल्या लड़का होकैं धड़का गड़बड़ का रही काम बणा,
माता माता कहण लग्या वो बोली बोल्य प्यारी,
न्युं तो मनै बता दे क्यूँ नाराज हुई महतारी,
फणी मणी और मछली जल से हो सकती ना न्यारी,

मात पिता नै बेटा बेटी प्यारे होया करै सैं,आंगलियां तै कोन्या कदै नूँ न्यारे होया करैं सै,
काठ बीच ठोकण नैं लोह के श्यारे होया करैं सैं,
डूबैंगें मझधारा अंदर धोखा करणे वाले,काग करंग पै राजी खर कुरड़ी पै चरणे वाले,शूरा शेर देर ना लावै सन्मुख मरणे वाले,बाळद भरणे वाले वे बंजारे होया करैं सैं,

बत्ती गैस चिराग तिमर मै शोभित चसे हुए,
संत महात्मा योगी जन इंद्री कसे हुए,
पूत कुपात्र कुटील नार घर खो दे बसे हुए,
गरदीश के मंह फसे हुए दुखियारे होया करैं सैं।

माता माता कहण लाग्या चंद्रहास जब धोरै जा,लड़के की जब सुण कैं वाणी,पाणी भरया नैन कै म्हां,रै बेटा चाला हो रह्या सै दो पांया नै नहीं जगहां।
मत बुढ़े की नार मरै और माँ मत मरीयो याणे की,
हे भगवान मिलै रेते मै वस्तु बड़े ठिकाणे की,
रक्षा वो करतार करैगा प्रजा का सरदार करैगा,
कुण बेटा तेरे प्यार करैगा कुण बुझैगा खाणे की,
मरगी माता जिसनै जाया के खेल्या के तूं खाया,आ तेरे लाड करूँ मेरी माया,फेर मेरी तैयारी जाणे की,
उल्टी बात जचण लागी,सिर पै कजा नचण लागी,इब मेरी जीभ खिचण लागी,शक्ति नहीं बतलाणे की,

पलपल हलचल मुश्किल होरी,दिल धरता ना धीर देखिये,
तेरा मेरा इस दुनिया मै इतने दिन का सीर देखिये,
जिनके मरज्यां लाल बादशाह,रूळते फिरैं वजीर देखीये,

हाथ जोड़ अस्तुती करती,धरती ध्यान चरण के म्हा,
हे भगवान दया करीयो तुम लड़के की करो सहा,
इतने मै के कारण हो गोला पड़्या गैब का आ,
यो पांच तत्व का बण्या पूतला जिसकै अंदर भरी हवा,
काल बली का चक्कर लाग्या हंस प्राणी होया विदा,
धाय माता भी मरगी थी वो लड़का रोया रूधन मचा,

नगरी के कहण लगे सेठ और साहुकार,
बहोत घणे दिन तै यहां बेवारस रह थी नार,
हो गया देहांत उसका ठाओ, मत लाओ बार,
शमशाणा मै लाकै उसका किया दाह संस्कार,
कहते केशोराम नाम लेणे से होता उद्धार,

४-खूटे ताण बाछड़ू कुद्दे पाट रह्या सै खूटा री,
बेगराज हो सही बही मै टेक्या जा सै गुठा री,
झूठा मोह ममता का जाल,तृष्णा करती बड़े कमाल,हो ना टाल लेख लिखे जो ललाट के।

कवि: श्री नंदलाल शर्मा जी के शिष्य श्री बेगराज जी
टाइपकर्ता: दीपक शर्मा
मार्गदर्शन कर्ता: गुरु जी श्री श्यामसुंदर शर्मा (पहाड़ी)

Language: Hindi
1 Like · 638 Views
📢 Stay Updated with Sahityapedia!
Join our official announcements group on WhatsApp to receive all the major updates from Sahityapedia directly on your phone.
You may also like:
सेना का एक सिपाही हूँ
सेना का एक सिपाही हूँ
Satish Srijan
चलो क्षण भर भुला जग को, हरी इस घास में बैठें।
चलो क्षण भर भुला जग को, हरी इस घास में बैठें।
डॉ.सीमा अग्रवाल
चूड़ियां
चूड़ियां
Madhavi Srivastava
बातों का तो मत पूछो
बातों का तो मत पूछो
Rashmi Ranjan
ऐश ट्रे   ...
ऐश ट्रे ...
sushil sarna
पौराणिक मान्यताओं के अनुसार प्रत्येक महीने में शुक्ल पक्ष की
पौराणिक मान्यताओं के अनुसार प्रत्येक महीने में शुक्ल पक्ष की
Shashi kala vyas
चाँद
चाँद
Atul "Krishn"
आबाद सर ज़मीं ये, आबाद ही रहेगी ।
आबाद सर ज़मीं ये, आबाद ही रहेगी ।
Neelam Sharma
#drarunkumarshastei
#drarunkumarshastei
DR ARUN KUMAR SHASTRI
"फासले उम्र के" ‌‌
Chunnu Lal Gupta
किसी ने सही ही कहा है कि आप जितनी आगे वाले कि इज्ज़त करोंगे व
किसी ने सही ही कहा है कि आप जितनी आगे वाले कि इज्ज़त करोंगे व
Shankar N aanjna
बाल कविता: मदारी का खेल
बाल कविता: मदारी का खेल
Rajesh Kumar Arjun
मैं तो महज जीवन हूँ
मैं तो महज जीवन हूँ
VINOD CHAUHAN
मौसम जब भी बहुत सर्द होता है
मौसम जब भी बहुत सर्द होता है
Ajay Mishra
புறப்பாடு
புறப்பாடு
Shyam Sundar Subramanian
■अंदेशा■
■अंदेशा■
*Author प्रणय प्रभात*
रमेशराज के कुण्डलिया छंद
रमेशराज के कुण्डलिया छंद
कवि रमेशराज
मेहनत के दिन हमको , बड़े याद आते हैं !
मेहनत के दिन हमको , बड़े याद आते हैं !
Kuldeep mishra (KD)
'ਸਾਜਿਸ਼'
'ਸਾਜਿਸ਼'
विनोद सिल्ला
जीवन की जर्जर कश्ती है,तुम दरिया हो पार लगाओ...
जीवन की जर्जर कश्ती है,तुम दरिया हो पार लगाओ...
दीपक झा रुद्रा
Pyasa ke dohe (vishwas)
Pyasa ke dohe (vishwas)
Vijay kumar Pandey
बिना रुके रहो, चलते रहो,
बिना रुके रहो, चलते रहो,
Kanchan sarda Malu
हौंसले को समेट कर मेघ बन
हौंसले को समेट कर मेघ बन
Umesh उमेश शुक्ल Shukla
कैसे गाएँ गीत मल्हार
कैसे गाएँ गीत मल्हार
संजय कुमार संजू
* सोमनाथ के नव-निर्माता ! तुमको कोटि प्रणाम है 【गीत】*
* सोमनाथ के नव-निर्माता ! तुमको कोटि प्रणाम है 【गीत】*
Ravi Prakash
This generation was full of gorgeous smiles and sorrowful ey
This generation was full of gorgeous smiles and sorrowful ey
पूर्वार्थ
जग जननी है जीवनदायनी
जग जननी है जीवनदायनी
Buddha Prakash
आत्म अवलोकन कविता
आत्म अवलोकन कविता
कार्तिक नितिन शर्मा
अधूरी हसरतें
अधूरी हसरतें
Surinder blackpen
अच्छे किरदार की
अच्छे किरदार की
Dr fauzia Naseem shad
Loading...