31.5k Members 51.8k Posts

कोरोना को रोग भायों फैलणू च घर-घर कोई भी इलाज यांको औणू नी छः नजर!

Nov 26, 2020 10:14 AM

कोरोना को रोग भायों,फैलणू च घर-घर,
कोई भी इलाज यांको, औणु नी छः नजर,
घुमा ना यूं बेफिकर,जानी की फिकर कर,
कोरोना को रोग भायों,फैलणू च घर-घर… कोई भी इलाज यांको……

दिदा भूल्यों, भाई बैण्यों, अपणू ख्याल रख,
सरकारी तामझाम का भरोसा नहीं रय,
तख का इंतजाम अभी पुरा नी होणा छय,
कोरोना को रोग भायों फैलणू च घर-घर.कोई भी इलाज यांको..

डाक्टर बोना छन,यो उपाय करा तुम,
हाथ धोण, मास्क पैणन, थोड़ी सी दूरी भी रखण,
बासी-तिबासी नी लेणु,गर्म पाणी पेंन्दू रैणू,
कोरोना को रोग भायों फैलणू च घर-घर,. कोई भी इलाज यांको..

दवाई बटी अभी नी बणी,त्यांका बिना तनी रणी,
अपणू ख्याल आफुई करणी,. भीड़भाड़ से बची रैणी,
कोरोना को रोग भायों फैलणू च घर-घर, कोई भी इलाज यांको…

काम धाम तुम जाया, सावधान तख राया,
घर जब लौटी आया, सैनिटाइजर तब लाया,
नैणी धोणी जो भी करयां, कपड़ों तैं धोण धंरया,
यो उपाय तुम करियां, सुरक्षित यनु रैंया,
कोरोना को रोग भायों फैलणू च घर-घर, कोई भी इलाज यांको……
एक चक्र पुरो होयो, दूसरो भी अई गयो,
छोटा बड़ा माडा मोटा, सभी त परेशान होया,
ज्वान ज्वान नौना भी यैका चपेट आया,
कोरोना को रोग भायों फैलणू च घर-घर कोई भी इलाज यांको……
तिसरा चक्र की बात अब शुरु होई गये,
हर मनखी पर येकी आंच अब अई गए
देश का हालात अभी कठिन ही चलणा छया,
करोड़ का नजदीक हम पहुंच ही गया,
मरण वालों कू आंकडू भी सवा लाख टपी गए
तिसरा चरण मा, सुनामी जनी अई रयै,
कोरोना को रोग भायों फैलणू च घर-घर कोई भी इलाज यांको औणू नी छः नजर।
यांका उपाय मा हम किलै पिछड गया,
थोड़ी सी लापरवाही बहुत भारी पैडी गया,
सावधानी की जरूरत हम नी समझ लिया,
कोरोना से बचणकू उपयोग हम नी करी रया ,
कोरोना को रोग भायों फैलणू च घर-घर कोई भी इलाज यांको औणू नी छः नजर।
कोरोना से लडनक तैयार रैणु भाई,
कोरोना को रोग भायों घर पर नी लौण्यू भाई,
यांकी खातिर एक जूट होणू भाई,
मिली जुली तैं कोरोना भगौणु भाई,
कोरोना को डर अब घर पर नी औणू चैंदू,
कोरोना तैं दूर रखणक सभी कू प्रयास चैंदू
कोरोना को रोग भायों, घर पर नी लाणु अब,
स्वस्थ जाणू,स्वस्थ आणु,यांपर भी ध्यान लाणु अब,
कोरोना को रोग भायों फैलणू च घर-घर कोई भी इलाज यांको औणू नी छः नजर।

1 Like · 4 Comments · 33 Views
Jaikrishan Uniyal
Jaikrishan Uniyal
Saklana Tehri Garhwal
189 Posts · 3.6k Views
सामाजिक कार्यकर्ता, एवं पूर्व ॻाम प्रधान ग्राम पंचायत भरवाकाटल,सकलाना,जौनपुर,टिहरी गढ़वाल,उत्तराखंड।
You may also like: